Tipa Times

Tari.17.1.09.(Pachynoh)khata Puhpa S.Hiato,Minister i/c PHE,Industry,Tourism cha Tipa kaw tlo ta,Tipa zawpita a rohnah kawpata dy eita,Tipa zawpi a ma hluh kaw.
Henota,Minister biereina hneita, abierei tlahpipa :
1. "Puhpa,TT.Vakhu INC Candidate(Pala)he, zawpizy nama no vah thaileina vata tlohleita y hrasala,Pala bia chho zydua hecha ano reihawsai ta Mizoram Ministry heta raih a hria awh.Chavata,Biatuhpa MLA hawta nama vaw moh awhpa abyu" atah.

2. "Khazohpa ta rah he taopathi kho haba, chavata, keimo he chhaichhita miah ahmahkhopa vata a tlohpa sai eima cha.Chavata Party nanonanopa liata aypa zydua sai u, nama yna party chyu vaw puasai khai ula, Congress Party la avaw ngia khai awhpata eicha haw ei."

3. "He Congress Ministry VIP awhpazy cha,chysa rietheipazy he a ma cha awh."

4. "NLUP he achana dopa hawta hmah avaw chhua khai ula, 1st Instalment ahmah pado leipa cha eima chysa phahnai kawpa rai cha hra ula, cha pie pazao khao awhmapi, tahpa vaw pahno te u"

5. " Eima sawkha rai hriapa zydua sai u, keimo he ko-10 chho avaw bai hapa eima chapa vata eima chysa nawzy ama dahphi pasa kaw ta, nama Office ama cha vaw dao daiti liata, dawka ama vaw choh tlamaw hapa chhaota vaw pacha thai te-u. Letter head deikua chaphie khao lei awhpata eicha haw ei.Tawla, namo eima worker zydua sai u, Official nah zy he reikha pha kawpata avaw daoh tyh mu vy" atah.

Tawla, Tipa tawta ama demand pa alaluah viapa zy cha :

1. Tipa Greater Water Supply Scheme taopa awhpata.

2. PHE, Sub-Division pahy awhpata.

3. PHC he CHC lata pasah awhpa ta.

4. Tipa Gov't H/S he 10+2 lata palie awhpata.

5. Civil SDO a chana dah hawta function awhpata...etc...

Achhyna :

A theina hawta hlao patlohkhai a chhua.Cha hleikho ta nama hia leipa, Motor ta Ti raih awhpa chhao April thlapa tawta eima vaw thao awh atah.

Aly pangia na:

Puhpa Laicho Notlia nata a pynah zydua Congress lata ama ngia khai hapa vata alypangiana a hnei pah.Tipa taw chhao ta voters 33 alypangiapa ama cha hra.