Tipa Times

MADC hnuaia Forest Deppt. chuan Mizoram a Mau lam a harsatna tur sutkian nan inrinni kalta khan Mau rah nuai 1 chuang Kawlchaw leh Zero inkar ramah an tuh a. Hemi hmalak na hi AMFU Saiha Dist. hruaitute leh Chanchinthar lakhawmtu ten an tlawh a hei bakah hian Thing hrang hrang Maubawk leh Theiva inkar ramah an lo ching tawh bawk ani.

Pu.MM.Lakhera,Governor Mizoram chuan, ni 28.8.06 hian Dist.Council 3 te, Chakma, Lai, Mara te a raw tlawh dawn avangin District Council hruaitu ten alo hmuah dan tur te an ngaihtuah mek ani.

Tuipang 'D' VCP hmalakna zarah Tuipang 'D' chuan AR ramah Mual puitling tur anei dawn ta a. He Mual ram tur hi nimin khan teh fel ani tawh a;Mts.120 bial ani tih thudawnna chuan a sawi a; Mual laih hna hi NREGS sum hmanga a bul tan tum ani tih VCP Pu HC.Siama chuan a sawi.

Tuipang kum za tlin lawmna hun leh ni tur chu Tuipang Lal veng khawtlang hruai tute leh Tuipang Centenary Celebration Comtt.hruai tuten Jt. meeting an neih hunah ruahman nise tih ani a. Tarlan tawh angin, Tuipang kum za tlin lawmna hi nakum April thla lai hawl vela neih tur a ruahman ani tawh ani.

Mara mipui zawng zawng Gospel Centenary Board hmingin chibai kan buk a che u.Pathian kaihhruaina avangin chanchin tha thlenna kum 100 dawn alo ni ta a.Kan Missionary hmasa te tana an in pekna zawng zawng hi kan theihnghilh thei lovang. Maraland Gospel Centenary kan thlen turah hian Kohhran dinhmun dik tak chu alo lang dawn a. He centenary hian Mara ram tisa leh Thlarau malsawmna tam tak min lo thlen sak ngei ang.

Tunah hian kan Centenary min lo telpui turin Foreign atangin UK-2,USA-1,Argentina-1,Australia-1leh Korea atangin mi1 te chuan an rawn kal theih tur thu min lo hrilh tawh ani. Kan Kohhran in Centenary project tam tak a nei ve a, a hlawhtlin theih nan kan rama politician te leh Officer te leh Mizoram sorkar chungah beiseina sang tak kan nei mek ani.Mara mipui zawngzawngin kan Missionary hnuhnung ber Rev.VLA Mark tan min lo tawngtai sak a, kan Centenary dam taka min hmanpui theih nan alo tawngtai pui turin kan chah a che u.

Tuipang SDO Civil hna rawn thawk tura tih Pu Thangchema Zathang chuan a ma hmutu khawtlang hruaitute hnenah hun remchang hmasa bera Tuipang a rawn kal a, khawtlang hruaitute nen an hnathawhna kawnga hma an lak dan tur sawiho hnuah awmze nei taka Office kalpui tha atih thu a sawi a, Tuipang Sub-Div.thar tur anihna anga hna athawh theihna tura hmala turin khawtlang nu leh pate a ngen thu leh a pawimawh tur thu a sawi ani. tih thu rinawm tak mai dawn ani bawk.

Tunlai hian ECM Hqrs. KTP chuan Saiha khawpui chhunga kumpuan bawhzui na atan Group 4-a inthenin, 'Pathian hnaih rawh u' tiin Kohhran hrang hrangah Campaign beihpui an thlak mek zel.

Tuipang RD.Block hnuaia NREGS hna kalpui mekah khaw thenkhat ten an hna an zawh tawh laiin, Khua leh Veng thenkhat te vawiin lam hian an thawh zawh hman beisei ani a; tuna hnathawh mek V.C pakhatin ni 14 chhung an thawh ah hian Rs. nuai 46 sem ral ani dawn a; Nizana AIR Aizawl in apuan danin he hna hi thawh zawh vek tawh niin a puang thung. NREGS hnuaia hnathawh hi tuipang R.D Block Hgrs. ah chuan he hnathawh hi tumdanga hnatlang hna aiin a tha daih zawk a ni.

Tuipang a MTP Br. ten kumpuan bawhzuina kal meka ruihtheih thil an do mek zel avangin Tuipang boruak a thianghlimin a muanawm tan chho mek zel ani.

Tuipanga Independence Day lawm dan tur sawihona chu nimin khan Pu.V.Lalengmawia,MCS,(T) kaihhruaina hnuaiah sawiho a ni. He inkhawm kaihhruaitu, BDO(T) chuan, Independence Day hi India khua leh tui dik tak te chuan, ropui taka lawm hi kan tih tur ani tih sawiin, member kalkhawm sorkar Deppt. hrang hrang aiawh te leh khawtlang hruaitu hrang hrang te chy, sorkar hna te chu sorkar hna a hmalakna tur kawng hrang hrangah thawh hopuiah a sawm bawk.
Independence Day Commtt.chuan, kumin Independence chu ropui takin lawm nise, Khuallian atan Pu,H.C.Lalmalsawma Zasai Chairman,MADC chu sawm nise an ti a, he ni hian mipui a tam thei ang ber chhuak khawm turin a ngen bawk ani.
Hetihlai hian, kumin Independence Day lawmna chikhat atana Independence Day Mipa Football leh Hmeichhe Volleyball Running Trophy chu vawiin chawhma dar 11 ah hian Tuipang Playground ah Opening Ceremony hman a ni dawna,Khuallian ata, Pu.V.Lalengmawia,MCS,BDO(T) chu hman ani dawn a inkhawm hi Pu.Lalthlengliana Vice Presidend,Tuipang zone Football Assn.in a kaihhruai anga; hunserh Pu.R.Lalhmingsanga'n a hmang anga,zaithiam ten an awi reng bawk anga; hemi hnuah inkhelh tan nghal a ni a; First match ah Medical FC leh Wizard FC Saiha te khelin, second match Square Gate Dairy leh Siatlai FC ten an khel chhunzawm leh dawn ani. He Independence Day Running Trophy TZFC in ahuaihawt turah hian tualchhung leh khual atangin, Football Team 15 lut in Volleyball Hmeichhia Team 6 an lut bawk a. He Independence Day Running Trophy a Technical Board Chairman leh Match commissioner atan Pu,S.Ralmanga hman ani ang.