Tipa Times

Vateisa Khithie S/o Cholua Khithie of Chapi cha atahma he Dawty a chu awhpata Armenia rah a tlo haw. Ano atahma Ko-17na ahmah haipa chata, a hatita tawta cha chu apahah kawpa chata, Primary a chu pathao tawta akho chaipa cha ‘Dawty’ a cha.

Primary a chu pathao tawta cha a thai thei kawpa chata Primary he Chapi khih liata patlo ta, Middle he Sunshine English Medium School Tipa liata a chu ta, Cl-VII chhao he School taw heta a tao.Cl-VII Board Exam liata Siaha District chho tawta Top-4 liata passed ta, he no heta MSO(H) ta Certificate a ngia kawpa nata Phusa lyma Rs.1000/- ama pie.

Matric(Cl-X) he ECM H/S Siaha tawta 2nd Division ta a passed. He no heta 1st mark a tlo nawpa cha mark no (2) ngala ta apha leina a cha.

Cl-XI tawta Donbosco School Siaha liata kia heih ta, Cl-XII he 2nd Division liata passed ta, he no heta Talented Award, Reserved Bank of India: Main Bank,Aizawl Mizoram ta Certificate angiah kawpa nata Phusa Rs.1500/- ama pie heih. Cl-XI a chuno heta Mizoram Science Department ta Assay Writing Competition DC zy siepahliepa ta a pachhua-panoh no khata Siaha Dist. Tawta 3rd na chata Siaha DC Conference Hall liata Puhpa,Lalnghinglova,DC Siaha ta lyma a pie heih.

Cl-XII achu ko, Ko-2007 khata ‘ Governor Award Essay Competition’ y heih ta, khaliana khata Siaha Dist. Tawta 2nd na a cha heih.AR.Ground, Aizawl liata 26th Republic Day nota Puhpa,AR.Kohli,Governor,Mizoram ta Certificate nata Phusa Rs.2500/- apie heih hra.

He alyma daopa zydua he Awnanopa lata a pangia khai tyh.(Amopah tlah a cha hmeiseih).

Armenia lata Dawty a chu awhpata a sie nawpa liata hmo byupa zydua liata Puhpa N.Zahry, Jt.Secretary i/c Dist.Council Affairs & Sport Dept, Gov't of Mizoram. Apatu ngahaipa heta patoh-patiapa khai ta, achho liata Vateisa Khithie nata a chhokha zy ama ly hmeiseih.Atahma he Armania a tlona tawta thlakha apha ha ba.

(Marasawzy achuna lata eima palozy asah via lyma ba,aly a chhih hmeiseih.)