M.Ch.P Sub-Hqrs.Gen.Conference hlawtling taka neih a ni.
Saby MCHP
Mara Chano Py (M.Ch.P) Sub-Hqrs. Tipa,General Conference vawi-2na, nikhat awh chu nimin khan tluang taka neih a ni. He Conference hi Pi.R.Ngokhu,President,M.Ch.P Sub-Hqrs. In a kaihruai a, Khuallian Pu,Beimosa Azyu,DAO,MADC Tuipang ani. Khuallian chuan thusawiin, " Ram hmasawn zel kawngah M.Ch.P te chu an pawimawh zia hre tur leh chu hmasawnna kawng zawh zel tur chuan, tanrualna a pawimawh a, M.Ch.P member te chu hmeichhia te hmasawnna ngaihtuahna kawngah ngaituahna an sen tam tul ani thu a sawi bawk. Khuallian hian M.Ch.P Sub-Hqrs. Conference lawmpui nan Rs.10,000.00 ape bawk a ni. He inkhawmah hian M.Ch.P member zaithiam taktak ten zai in an awi reng a, Dramma hmuhnawm tak tak te entirin, in tihhlimna chi hranghrang te hlim taka an hman zawh hnuah tlai lamah Conference ruai tui taka kil ho nghal a ni.
Zan lamah rorelna neih zui ani leh a, Heta an thurel passed langsar zualte chu :
1. M.Ch.P Hqrs. In ram pum huap Cultural Meet buatsaih rawh se.
2. M.Ch.P Hqrs. Hian, Mara mipa te hnam incheina buatsaih sak ve rawh se.
3. Tuipang ah Plus I & II zirna dah tura sawrkar a ngen leh hmalak ni rawh se.
4. Mara Cultural thil te hi hnam dang milian te hnenah Present tawh loh ni rawh se.
5. M.Ch.P. Sub-Hqrs. Hruaitute hian an bial atangin Motivation Campaign nei thin rawh se.
Tih te a ni.
He rorel inkhawm neih anih hnu hian, M.Ch.P Sub-Hqrs. Hruaitu kum hnih chhung atana inthlanna, MJA Tuipang kaihhruaina hnuaiah neih zui a ni a; Hruaitut thar atana thlantlin te chu :
President - Pi.KL.Nohly
V/President - Pi,K.lalthanzuali
Secretary - Pi,HC.Nano
Asst.Secretary - Pi,HC.Susani
Finance Secy - Pi,J.Nuji
Treasurer - Pi,B.Biakthangi te an ni.
M.Ch.P Sub-Hqrs.Tuipang hnuaiah hian Branch 13 awmin Palai an thleng tha hle a,He Conference hi Myanmar lam atangin Saby M.Ch.P branch te an lo thleng ve thei bawk ani.Conference boruak hi a zangkhaiin an hmang nuam hle a; rorel pawh tluang taka neih anihin, Chanvo nei hranghrang ten an chanvo theuh hnehsawh takin an ti theih vek bakah M.Ch.P member Conferene chhimtu te Mara Incheina nena an in duang thlap chu hmuh an nuamin an chhelo tlang hlawm hle ani. Conference hi nizan khan a tiak ta ani.
Source : Tipa Express
A laia mipa khi JH Lawzi a va ang ve...MCHP ho lai lai chu..an hlim ve thei zek a nia.Tuipang chu tun lai a va lun ve aw....
Nia, Pu JH.Lawzy a ni tak ka ti...an tinuam thei khopmai! an zinga telve poh an tichakom rumrum lom mole,.....an nu tarmit bun hi alo tawiom ani ang.... hehehe