Tipa Times

Mara Students Organisation(MSO) General Conference Vawi-23na chu, Branch 18 atangin Palai 750 vel an lo thleng a,nizan khan Palai inkawm tannin vawiin hian Tuipang MTP Hall ah neih tan a ni dawn a. Khuallian atan Pu,N.Zahry,Jt.Secretary i/c Dist.Council Affairs & Sport Dept, Gov't of Mizoram. hman a ni dawn a. Khualzahawm a tan Pu, V.Zacho,EO,MADC chu hman a ni bawk ang.

He MSO Gen.Conference nizan atanga Palai lawmna inkhawm hman tak hi,K.Machhua Secy.i/c Edn.MSO(H) in a kaihhruai a; Hunserh,Upa V.Dawlua’an hmangin, Thuchah tawi Pu,K.Chhiehrau, Sr.Advisor MSO(H) in a hmang a; report, MSO Sub-Hqrs.Tipa,Shillong,Chakhei leh Phura ten an pe a, Zaithian hrang hrang ten zaiin an awi reng bawk a ni.

He MSO Gen.Conference hi tukin dar 10.30 hian khuallian, Pu,N.Zahry an a hawng dawn a. He inkhawm Pu,S.Vabeihasa President MSO,Gen.Hqrs.Saiha kaihhruai turah hian Hunserh Rev.HC.Khaicho ECM Tuipang Bialtu in a hmang anga ; MSO member boral ta te sunna hun te hman ani ang a; Hnamlam,RR.School in entir hnu in report Pu, S.Laikhai Gen.Secretary MSO(H) in a pe ang a; zaithiam ten hun an hmang reng bawk ang.

Vawiin chawhnu dar 1-4 chhungin rorelna inkhawm, Speaker TA.Beihnia khaihhruaina hnuaiah neih chhunzawm ani ang a, MSO Conference rorelna chu tan ani dawn a ni.

Tin, MSO Gen.conference puala mipa leh hmeichhia Volley Ball intihsiakna pawh vawiin vek hian neih tan nghal a ni dawn a ni tih thudawnna chuan a sawi. He MSO Gen.Conference ah hian, MZP leh LSA aiawh lo kal te chuan, thusawina hun an hmang bawk ang.

Zaithiam te hi kan hriat thei chinah chuan,Siamkungi,T.Merisa,Vasti Azyu,J.Vialua,A.Chhualai,C.Reuben,Reuben C. te an ni.

Source : Tipa Express