RAM TANA NUN HLANTU LEH TUIPANGA PA UPA BER TE NIKHATAH VUILIAM AN NI!
Nimin,Dt.5.11.06 (Sunday) khan Tuipanga Pa upa ber Pu T.Hlykhaw ruang leh India ram tana nun hlantu Subider 19th.AR Ranjit Momin ruang chu Tuipangah ropui taka vuiliam an ni.
Kum97 a upa Pu.T.Hlykhaw hi hunrei tak a chenna ina enkawl anih hnuin inrinni kalta tlai khan a chenna in Tuipang-II ah kum upat tawh avangin a boral ani.Ani hi CCI(M) kohhran chhungkua a nihna angin CCI(M)Tuipang chuan Ropui takin an vuiliam a ni.
Ram tana nun hlan tu Sub-Ranjit Momin H/o Pi T.Siaki, 19th.AR hi Manipura awm a ni a, zirtawpni kalta tuka Petrolling a an kal hawng lam kah hlum a ni a,Sipai lam soidan chuan Operation a thi niin an sawi a ni. Kum 44a upa, Sub.Ranjit Momin ruang hi Imphal atangin thawlhna hmangin Lengpui Airport ah inrini tlai khan rawn dah ani a,Aizawl an lo thlenin Tuipang Bialtu MLA Pu.PP.Thawla'n a ruang hi lo hlawmin a Banglow ah ala lut a; chuta tang chuan Tuipang rawn panpui ani.
Sub.Ranjit Momin ruang hi nimin chawhhnu a Tuipang a lo thlen hian Tuipang Mipui tam takin an lo hmuak a; a kuang Hnampuanzar(India Flag) a khuh chu Tuipang AR 41st.ten zah taka lo la thla in zahna chibai bukin Silai an hmetpuak a, a kuang chu muangtaka kalpuiin, ama chenna tura a in lei ,Tuipang 'D' Inchhungah zawnluh a ni a,Tuipang Electric Kohhranin a ma vuina Programme ropui takin an hmang zui nghal a ni.
0 comments:
Post a Comment