Tipa Times: March 2009

Miah ama pahasai haw!

Posted on Saturday, March 28, 2009 No Comments

Atamy daw 5:30 pa rachho ta Mc.KT.Chialo, (77)Ex-EM,MADC thisai sahpa pasana ta Aizawl liata ta miah avaw paha sai haw.

Ano he MADC ry liata ARO rai avaw hria hapa chata, varopi he rai he ahria khai tawta, MADC tawta nominate ta MDC raopa chata,cha khai tawta,EM PHE patu zy avaw patu hapa a cha.

Ano he CCI(M) Tipa liata Awnano Hyutuhpa acha nga haipa a cha.Mc.KT.Chialo apahapa he Tipa khitlah zawpi nata Awnanopa ta athata a tao hmeiseih.

'Abeipata achhokha nah zy ypah eisala, thlah palomaw eise'

Puhpa,Lungmuana,SK Zyhno chhaota,hriaheihza khata Pathi lai pata,Siaha thohna o liata miah apaha sai haw hra.Ano he Chyhsa pha kawpa nata, riethei rairupa zy kyhpacha ahneikawpa chysa chata, paloru patla kawpa a cha.Ano he,Paloru hmeisei ta i hmeisei pita, eima pasailei hmeiseipa a cha.

Khazohpa ta,alahpi nata sawzy nata achhokha zy ypah lyma eisala,thlapalo lyma eise, tahpa he eima thlachhana a cha.

MTP Sub-Hqrs. Special Conference

Posted on Saturday, March 28, 2009 No Comments

MTP Sub-Hqrs. Special Confe. cha Siatlai br. liata tlopa chata,Khichhai laipa chata Puhpa,N.Chima, Area Inspector,FC&CA hmapa a cha.Khichhai laipa heta biereina hnei ta,"Mara reih he Khazohpa ta Missionary nah zy hmapata a eihpa tlaita reih miah a piepa chata,hehe pasahsa pata pasona chah pahno sila,reih to he thai khaipa eima chhua awhpa a cha nota, eima reih (marareih) he cha cheihchalo eima chhua cheingei awhpa a cha.Reih chi-5 eima hneipa he amohnaohpa lei p'ei sila, acheihchalo khei rairi ei su u,he he MTP zy ta hmo eima tao cheingei awhpa peimawh chaipa hry liata tapa a cha"tahpa zy thata rei ta, Khichhai laipa heta, MTP Sub-Hqrs. zy hno ta Phusa Tlaw-7000/- a bao pah hra.

He liana heta, 2009-2011 chata Chhituhthiepazy atlyna hneipa chata, atlyhpatlohpazy cha :
President : K.Lalthandinga
V/President : K.Lalnuntluanga
Secretary : C.Beirathie
Treasurer : Pihno,R.Lalthankhumi
Secretaries :
1. ZC.Bohia
2. S.Pahlu
3. N.Lalrodinga
4. Dixon K.Mara
5. K.Chhuahmo

Agenda ama passed pa zy :
1. Tipa Chavah,Hydel Project he Phase-II lata tao awhpata biehneituhpazy lata tlokheipa cha mawsy
2. MTP Hqrs. Budget he MADC ta MTP Hqrs. chata Budget Rs.3lkhs. ataopa he 5lakhs lata pasahsa awhpata hiapa cha mawsy.
3. MTP Sub-Hqrs.Tipa Ona chhoh liata ko 1 ta ei-1 chha Cultural meet & Sports meet hnei pa cha mawsy
4. MTP Sub-Hqrs Tipa OB zy heta ama term chhota ei-1 chha branch to tly khaipa cha mawsy.
5. Mara rah chho liata Education Certificate Document he tlua papuapa chasala, a do leipa a piepapua-tuhpa chhao tluapapua pata apasa theichaina dah hawta hriepa cha mawsy.
tapa zy a cha.

Kross pheisaizy Lobo

Posted on Tuesday, March 24, 2009 No Comments

ECM Tipa Pastor bia pachhua-panoh pata, Khazohpa chakaotuhpa Kross Pheisai athi hapa atlyh papuapa penawh 30 rachho athei thlana Lobo cha,Tipa Lyubeino pheihnie liata bo achhuapata hmah la haipa acha.Tahma no he, he rai he a tloh kawpata siekhei nga haipa chata, a su awhpazy chhia khaipa a cha haw.Achhuana dah tacha Lo-O saita yzie hnei kaw pata apatlah pata boh ta,khi a tlyhpazy a sy thei awhpata nata akhopazy maita thlachhana su ta hmah theipah awhpata pachhua-panohpa a cha.

He Lobo he Rs.1-20lkhs rachho pachha awhpata plan pa a cha.He su liata ama taona chhapa he,Presbytary -IIIna ta Kross ama bona su chata,Kross pheisaih Lobo ta ahmie kawpa vata nata Sata/Lyurahhripa pahrahna su hawta pachapa chata, Kross pheisaihnahzy he eima rah Sata thokhy apachoh tuh penawh ama chapa vata he su he a tlypa a cha.

Mopakha apasaina nata chhokha apasana ta pachhua-panohpa chata, akhopa maita Kross pheisainah Lobo chata pie theipa a cha.Atahma he mo hlupi ta Kross pheisahnahzy paso eita,ama hneinazy athata ama pahryu/pasai pathao haw.Chysa hmiatuapazy pasona he byhna daona a cha.

Tipa's First web & blog site URL changed

Posted on Monday, March 23, 2009 comments (1)
Labels: Tipa website, Tuipang blog, Tuipang website

An Important Notice on change of the URL of this site/blog.

ENGLISH: The first website and blog from Tipa also known as Tuipang in Mizo has changed its URL from Tuipangtimes.blogspot.com to TipaTimes.blogspot.com after demand from users, kindly visit Tipatimes.blogspot.com from now on. Thank you. - Admin.

MARA: Mara rah khihpi sanona Tipa khihpi tawhta website nata blog tuachaipa cha URL cha Tuipangtimes.blogspot.com tawhta Tipatimes.blogspot.com tahpa ta user-zy khona hawhta thlahapa a cha. Tipatimes.blogspot.com vaw tly tyh ma y. Eima chaly. - Admin.

MIZO: Mara ramah khawpui lian ber pahnina - Tipa (Tuipang in Mizo) atanga website leh blog hmasa ber URL chu Tuipangtimes.blogspot.com atangin TipaTimes.blogspot.com ah user-te duhna angin thlak a ni a, Tipatimes.blogspot.com in lo tlawh zel turin kan sawmin kan ngen a che u. Kan lawm e. - Admin.

LAI: Will update soon..

MTP Conference Siatlai lia

Posted on Tuesday, March 17, 2009 comments (5)

MTP Sub-Hqrs.Tipa Conference cha Dt.27 March 09 heta Siatlai MTP Branch liata hmahpa cha awhta, Khichhai laipa chata, Puhpa,N.Chima,Inspector,FC&CA Tipa hmahpa a cha awh.

He no heta ryureina nata chhituh thiepa atlyna hnei pahpa a cha awh.

Chiachi nata Avyu paw

Posted on Thursday, March 12, 2009 comments (6)

M.Ch.P.Conference pai haw

Posted on Thursday, March 12, 2009 comments (3)

Mara Chano Py(MCHP) Gen.Conference ei-6na,N.Colony Saiha liata hneipa cha noh no ama hmah khai tawta zahnia za kha ta paipa a cha haw.
Ryureina liata resolution passedpa thokha zy:
1. Chano zy duahmo a sa via lai lymapa vata,MADC lia na heta Chano zy ta,EM, nata CEM taita duahmo patu theina dah pachapa chasala,
2. MADC heta MCHP chata Budget Nuai 2 miah khopa hra mawsy,
3. Kophuahpa chata 'Hriapasana nata Tiamana' tahpa acha.
Zahnia kha MJA Siaha Dist. zy chhithana ta atlyna hneipa cha ta, atlypatlohpazy:
President : Pihno K.Pari
Sr.Vice President : Pihno,Laldingliani Hlychho
Vice President : Pihno,P.Chaki
Gen.Secretary : Pihno.Nazi
Asst.Gen.Secy. : Pihno,A.Jenny
Fin.Secretary : Pihno.S.Mezi
Secy. i/c Info. : Pihno,B.Ngiaso
Secy i/c Cul & Drama : Pihno,N.Nadaw
Treasurer : Pihno, B.Dingia zy ama cha.

ECM Assembly Ei-86na apai haw

Posted on Monday, March 02, 2009 No Comments

Evangelical Church of Maraland(ECM) Assembly ei-86na 25th Feb-1st’Mar.09 Chhoh Siaha Vaihpi ECM Achhyna o liata hneipa cha zahnia za khata apatla ngasa pata hneipa acha khai tawta a pai haw.

He ECM Assembly liana teta ryurei theipa member 595 liata 457 ahlao thei eita, Deligates BCM Lolei tawta 2,PCI,Mizoram tawta 2 nata MEC Myanmar tawta chhao ama vaw hlao thei hra.

ECM Assembly chata, Assembly nopawpa chata Rev.ST.Zawsi cha Elect.Moderator nata Secretary Jr.chata Macha.KH.Beithie zy a rao ei.He no heta Pro.Pastor 2, Khabi chozah nata Danny chozah zy cha Pastor chata a ordained pa hra ei.

ECM Assembly Biepathlupa peimawh viapazy :
1. Ko-2009 he ‘Krizyhpa Chhokha’ tahpata phuah chaneipa chase tahpa
2. ECM Hospital he a chhongai viapata tobipa chasala,Doctor 1,Staff nurse 5,Tab.Tech.1, nata IV grade 5 la baichhipa chasala,Rakho 30 y theina ta patohpatia ta, a chhaichhi pha viapa chi pachapa cha mawsy.
3. Pastor Quarter 4, Hmybu,Zyhno nata Chhaolo liata zy athiepata sapa cha mawsy
4. Hawsai apihpa ama poh via lyma thei nawpata hmah lapa cha mawsy
5. Sunday School training Hqrs. Pachhuahpanoh pa chasala
6. SBI naa MoU sign paryhsapa chasala,ECM Constitution &Rules tao thiepa cha a pykheipa acha. ECM nata SIMNEI ta point 4 ama hneipa cha apykheipa a cha.
7. ECM Theological College padua awhpa paryhsa pa a cha.
8. Ko-2009 chho chata Famine & Relief Comtt. Cha la pazaopa chasala
9. Athipa ri sie myta sahroh thie tyhpa he thie khao lei awhpata a hawpa chasala.
10. Ko.2010 apahrana biepipa chata, ‘Ngiachhiena hro’ tahpa hmah a chhuapa a cha..
11.Ko-2012 liata Sr.B Sunday School a chu awhpa chata Genesis(Athaona bu) atlypa a cha.
12.ECM heta chano BD a pachusa tyhpa he pachhasa chypa chasala,ECM heta Pastor pakha chha Foreign Degree la thei awhpata pachusapa cha mawsy.
13.Nie nata do,Pazy-pa-opa pha lei zie zy Bible bie tawta roh pata a bu pachhua-panohpata Local Church to liata Seminar pachhuapanoh pa chasala tahpa zy passedpa acha.

He hleikho ta chadi/koheih ECM Assembly hnei nawpa su chata Chhaolo Local Church cha a tlypa a cha.
ECM Assembly chata ko-2009 Jan-Dec. chho chata Budget taopa chata :
KTV - Rs.2,33,00,000
Mission –Rs.1,14,00,000.00
Total - Rs.34,700,000/- passed pa a cha.

He Assembly liana heta Sermon biepipa chata ‘Pathaina’ tapa hmahpa a cha.Foreign la tawta Rev.ChuaYeon San,Dr.Stanley Ling nata Rev.Vern Hancock,Singapore zy ta Sermon he ama rei tyh.

Source : Tipa Express