Posted on Monday, April 28, 2008
Mizoram Tourism Director thar Pu,Vabeiha Hlychho leh anupui Pi Nathlua Hlychho te chu Tourist Lodge sak thar tur ruahmanna kal zela hmuna rawn enthlithlai turin,nimin khan Saiha ah an cham a vawiinah Bualpui(Ng) tlawh in Tuipang ah zanriah an tum.Zanin tlaia Director te nupa lo thleng tur hi Tuipang Jt VC te chuan, akaisan thar lawmna ni pahfawmin lo chawnglawm an tum ani.
Source Tipa Express
Posted on Monday, April 28, 2008
Tuipanglui Mini Hydel Project TG set-1 speed setting Unit chhia chu kar kalta ningani atang khan SDO MRT Pu,Dinga leh Pu K.Chhako JE. Lunglei te leh Tuipang Section a JE Pu,c.Zaichhaw chuan hei hian restriction nasa taka a phuhruk theih a beisei thu TNS a hrilh ani.
Source : Tipa Express
Posted on Monday, April 28, 2008
Chapui khawtlang chuan tun hmalama an lo tihdan thin angin inrinni kal khan khawtlangin,Tuipui(Kolodyne) hmar lama Chapui Reserve ah ah Sangha tlang an vua a,an hlawhtling viau laiin tumdang ai chuan an hlawhchham deuhin an sawi.Heta Sangha thizat chu-1711 ani a, Sangha thi zinga lian ber chu Nghavang sum -3 pakhat (Thaichhawnninu tiam lovin)ani,(Tum dangah chuan Sum 4 te 5/6 vel chu thi thin niin an sawi).Sangha tlangvuakah khualkhua,Saiha leh Tuipang atangin sawrkar mi pawimawh te an kal nual a,chungte chu: Tuipang BDO, Tuipang MO,leh Saiha Police OC leh Tuipang Police OC te,Hort.Officer.Saiha.te leh mi pawimawh dang te an kal hlawm ami.He sangha tlangvuak a kal thei zat chu mi 497 an ni. A kal apiang chan an siamsak hnuah kal ve thei lo hmeithai leh tar te poh an chan an siamsak vek ani. Kawtchhuaha rawn hmuak tu te pawh Sangha hminsa hnahhringin an funsak a,inah hlim takin anin hraipuar thin ani.
Posted on Monday, April 28, 2008
Tuipang nu hlun Pi F.Lalhlimpuii chu hun rei tak natana khirhkhan tak, kawthalo,hrakna veia a damloh hnu in nimin tuk khan an chenna in Tuipangah a boral.Kum 45 a upa, Pi.Hlimpuii hian a hmeithaipui a fa la naupang tak tak 6 a kalsan. Nimin khan Tuipang 'v' Thlanmualah vuiliam a ni
Posted on Thursday, April 24, 2008
Nimin chawhma khan hmeichhe naupang Ramdingngheti D/o H.Kapzathanga,Tuipang venghlun chu, Saiha Civil Hospital ah thinlian natna in a boral a; a ruang hi Tuipang rawn thlenthlak pui a nih hnu in, nimin chawhnu khan UPC Kohhran Dan in Tuipang 'V' Thlanmualah vuiliam a ni.
Khawhar chhungte kan tuarpui takzet a ni.
Posted on Thursday, April 24, 2008
Tuipang a YMA Conference chhima lo kal,Mizo Idol zinga mi te Mathlenga leh Merina te chu YMA confe. hun a tawp thleng an hmang dawn a ni.
Posted on Thursday, April 24, 2008
Young Mizo Association(YMA) Saiha Group conference rorelna vawi 25na nimin a, Tuipang Dairy Community Hall a neih zawh tah ah chuan, rorelna tluang taka neih niin, hruaitu thar thlanna boruak tha tak hnuaiah neih ani bawk a ni.
YMA Saiha Gr.in nimina rorelna an neih takah hian, sorkar khawih leh YMA khawih thil, hengte hi an rel pawimawh zinga tel a ni. Sorkar khawih thil ah chuan .
Ø Kawlchaw ‘W’ ah Rural Bank dah ve tur leh Tuipang atanga Mizoram Rural Bank lak let tak chu a ranglama dah tura sorkar ngen nise.
Ø Tuipangin Tuilama harsatna a neih sutkian nan Pumping Set hmangin Ramrilui hi pump tur a sorkar ngen nise.
Ø Saiha khawpui leh a chhehvela Tui lama harsatna a kian zawk nan EE,PHE hi Saiha ah dah ve ngei tura thuneihtute hnenah thlen ni se.
Ø Tuipang PHC ah X-ray Technician leh Staff Nurse pakhat v eve awm tura sorkar ah ngen nise.
Ø Tuipangah hian vety Doctor daha; Vety hi a nihna tur dik taka anga hmala tura sorkara ngen ni se.
Ø Tuipang to Lungpuk kawng BRTF in a laih hna a thawh mek hi March 2009 hma ngeia thawk zo tura thuneitu lian zawk te hnenah thlen nise, tih te a ni a.Heng nahah hian YMA khawih thil pawimawh tak rela passed a ni :
· Kum 2008-2009 chhung hian Leadership training leh Account training a tam thei ang bera neih ni rawh se.
· Mautam tuar te tanpui nan Group Executive chinin Rs.50/- aia tlem lo leh member tinin Rs.10/- aia tlem lo theih thawh nise.
· Kum 2008-2009 Budget Estimation chu Rs.29,500/- nise tih a n passed bawk.
Nimin vek khan YMA Saiha Group hruaitu tur Kum2008-2010 atana thlanna neih a ni bawk a..
President : Dr.Chawngkhuma chawngthu
V/President : Pu.Zaichhunga Sailo
Secretary : Pu.Lalchhuanawma
Asst.Secretary : Pu.Zamvela Ralte
Fin.Secretary : Pu.C.Vanlaldika
Treaserer : Pu.F.Lalhmachhuana te an ni.
He YMA Conference, nizan lama vantlang inkhawm hman chhunzawm zel, Pu Zamvela Ralte kaihhruaiah hian, Pu,RL.Zidinga,Sub-Hqrs.YMA Lunglei SEC, Pu.V.Lalengmawia,BDO(T)leh Pu.V.Lalnghinglova EE(PWD) Saiha ten thuchah tha tak tak an sawi a; tukin zing dar 9:30 hian Khuallian puala inkhawm neih a ni dawn .He Confenrence ah hian, Zaithiam Mizo Idol ami 2 te ;C.Lalthlengliana ,Merina leh Saiha Dist.Artist Maduhi te bakah YMA zaithiam rual ten zaiin mipui an awi reng thin bawk ani.
Source : Tipa Express
Posted on Thursday, April 24, 2008
Tuipanglui Mni Hydel Project a Khawl part kim loh vanga hman tlak loha chhia siamthat hna chu nimin atang khan Part thar hmangin, Pu. Chhako, JE Lunglei leh Pu.C.Zaichhaw, Tuipang JE te chua siamthat tumin hma an la mei ani.
Posted on Thursday, April 24, 2008
Tunhnai maia Zawnglinga Zuchhe in vanga mi pahnih thihna thlen tu nia Mizoram puma thil puanzar a kha, Kha Zu neitu a puh, Ryurei chu Tuipang Police OC in tunhnai a lak chhoh tak hnen atanga a inpuan dan chuan, kha thil kha Zu ni lovin, Spirit leh Pepsi pawlh, ama siam ngei ani tih a in puang ta a; Ryurei hi tunah hian Tuipang PS ah thubuai siam saka kawl mek a ni.
Source : Tipa Express
Posted on Friday, April 04, 2008
SSA in Tuipang a Girls Hostel a siamah chuan, naupang mi 16 an awm mek a.He Hostel in enkawl dan hi a tha a, tun dinhmunah zirlai naupang ten an hlawkpui hle a.Tunhnaia Saiha atanga SSA hotu lo kal te chuan naupang pakhat tan Rs.500/- theuh an pe a, an lawm hle ani.
Source : Tipa Express
Posted on Friday, April 04, 2008
BRO in Tuipang to Lungpuk kawng laih hna an thawh mek chuan, nimin khan Khopai a lut a, hetihlai hian, Tuipang leh Siatlai inkar Black top ani tawh bawk ani.
Posted on Friday, April 04, 2008
CCI(M) Kohhran,Tuipang bul tuma Salvation Camping Tuipanga neih mekah chuan, Campers mi 70 vel an lut a; he Camp hian naktuk thleng a awm dawn ; Camping hi chhawng dang pawh neih anih leh beisei ani.
Posted on Friday, April 04, 2008
Saiha Group YMA Conference chu tun thla April 22-25 inkar hian, Tuipang 'D' Br.YMA in a thleng dawn; in buatsaihna chak taka kalpui mek ani in, Khuallin atan Pu,P.Lianhrima, Director LAD ani dawn tih thudawnna chuan a sawi ani.
Posted on Thursday, April 03, 2008
Kum-2008-2010 chhunga MTP Br.Dairya hruatu thar tur te chu hengte hi an ni:
President : KT.Zawngia
V/President : S.Israela
Gen.Secretary : KT.Lalherliana
Treasurer : J.Nachhua
Fin.Secy : HT.Beikyhchhi
Secy i/c G&S : T.Khaibu
Secy i/c Info. : S.Beiseia
Secy i/c Art&Cult. : T.Laikhu
Secy i/c Social welfare : HC.Khaitua
te an ni.He inthlanna hi MTP Sub-Hqrs.President Pu.K.Palai'an a neihtir a ni.
Posted on Tuesday, April 01, 2008
Mizoram puma Mizoram tana Tawngtaina chuan, Saiha Dist.pawh alo tuam chho tan ta a. He Dist.a Ram tana tawngtai Prog. hi Tuipang a Kohhran hranghrang te chuan, ni sarih chawngheia tawngtaina hun Dt.7-14.4.08 hun chhung hian T.Salem Kohhran Biakinah leh a Compound ah te neih nise ani ti a. Tarlan tawh angin he hun hi Lunglei leh Aizawl lam atang pawhin an rawn hmanpui dawn al R&E hruaitute chuan, he ram tana tawngtaina ah hian Tuipang a chhungkaw hrang hranga tanga tel vek turin a ngen al He tawngtaina a tel tur te tan, Km.R.Lalhmingsanga hnenah in report tur a ni . He ram tana tawngtaina Prog.Comtt. ah hian :-
Chairman : Upa S.Zaluaia
Secretary : Upa B.Phillip
Treasurer: Upa T.Vannghinga
manager : Km.P.Rinmawia
Organiser
Pu,Vanlalrawna Salvation Army
Km.T.Seido,T.Local
Km.K.Siakhai.T.Electric
Km.C.Chaku CCI(M) Tuipang
Rbt.Vanlalbela,IKK
Pu,Romalsawma,UPC,NEI,Tuipang
Km.FC.Johana,T.Salem,Tuipang te an ni.
Posted on Tuesday, April 01, 2008
VT.Buatha S/o VT.Chahra Zawngling,Thana a na taka sawisatu, Tuipang PS a thawk (Constable)mi3 te,S.Chhuahmo,VL.Lawma leh TC.Hramliana te chu nimina Saiha PS OC.Pu,HC.Beihai Tuipanga lo kal chuan heng constable te suspend order Saiha SP atanga a rawn ken hmanga suspend an ni.
VT.Buatha hi Zawngling MTP conference lai khan zu a rui a,Police te laka a chetmawi lo deuh avangin, police te hian manin Tuipang Thana ah an dah a, Police te chuan sawisa hrepin Sairawkherh te in an perh a sawi a ni a, a hliam nasa ani a.Tuipang Damdawi inah dah luh a ni. Hemi chungah hian VT.Buatha chhung te leh Zawngling MTP ten lungawi lovin,FIR thehluh an tum chu, Tuipang OC in amahin police te hnena action lak a tum thu a lo tiam a vangin an ngawi lehta a ni.Hemi hnu hian Saiha SP atangin Suspend Order chu a lo thlengta nge nge a ni.
Source : Tipa Express
