Posted on Saturday, March 29, 2008
Mara Thyutlia Py(MTP) Gen.Confenrence vawi 26na Dt.25-27.3.08 chhunga MTP Branch Zawngling in hneh taka an thlen chu, boruak tha tak hnuaiah tluang taka neih ani. Tarlan tawh angin MTP Conference ah khan, Pu,N.Chakhai,PR,DRDA Saiha chu Khuallian a hman ani a; Thupui a tan 'Ruihhlo Do' tih hman ani. He Conference chhimtu hi pung chho zelin, Palai thlahna inkhawm zanah chuan,Palai sangkhat chuang an thlengkhawm a; a dawltu Zawngling Branch MTP te inbuatsaihna a thain an dawl zo hle a; he Conference hun chhung hian zurui leh ruihtheih thil dang ti-a talbuai sawi tur an awm lova, boruak a fim tha hle ; hetih lai hian inkhawm prog.tinah zai hruaitu tha an awm loh avangin MTP Hlabu-a Hla tha taktak te chu saktui harsa ti an tam hle a;Prog.a tel si an huna awm lo/kal lo an awm chuan sawi a hlawh hle bawk.(TNS)
Palai thlahna inkhawm zanah Pu,C.Zohupa,Sr.Advisor,MTP Gen(H) chuan;'Missionary te sulhnu Lalpa'n a chhui ani' tih thupuia hmangin thu tha tak mai a sawi a, Missionary te sulhnu-ah Chhim lam atanga hmasawnna hmun a awm zel a, he zar zo pha tur hian abik takin Mara Thalai te lo inpuahchah lawk turin a ngen a,thusawi tu dang MTP Gen(H) President chuan, MTP chuan, tun term kal turah hian, Kumpuan 'Ruihhlo Do' bawhzui na kawngah leh SDVVC in ram tana hma an lo lak tawhna te chak zawka kalpui a nih tur thu leh tawiawm tura member te a sawm thu a sawi chhuak bawk ani.
Posted on Saturday, March 29, 2008
Kum-2008-2010 chhung atana MTP Gen.Hqrs..hruaitu thlanna chu, MJA,Saiha Dist.kaihhruaina a neih a niin, Election hi Pu,CZ.Hluna,Vice President,MJA Saiha Dist. in a kaihruai a; MJA member 7 te PO in an awm a; hruaitu atana an thlan te chu :-
President : Dr.K.Beichhua
Sr.V/President : Pu,Dawpho
V/President : Pu,L.Beikha
Secretary General : Pu,T.Chatlua
Treasurer : S.Lalmuanpuii. te an ni a, heng bakah hian Secretaries tur mi panga(5) thlan an ni a, chungte chu :
1. Pu.C.Lalhranga
2. Pu,Marin L.Nohro
3. Pu,L.Beirangia
4. Pu.TT.Khulua
5. St.FC.Saku. te an ani.
Posted on Saturday, March 29, 2008
Conference chhungin rorel thei palai mi 88 te chuan, rorel tan ni in kum 2008-09 chhunga an member thi ta mi 35 sunna an hmang a; rorel tan nghal a ni. He rorel, Dr.K.Beichhua,President kaihhruaiah hian heng te hi passed a ni:-
1. Kum 2008-2010 kum puan a tan, 'Ruihlo do ' tih hman zui leh nise.
2. Mara Kut pawimawh tak 'LYUVAKHUTLAH' hi hum tina hman a nih theih nan, MTP hian hma la rawh se.
3.Saiha Civil Hospital hi khum 100 awm turin leh Tuipang PHC chu CHC-a hlankai anih theih nan hmalak ni rawh se.
4. MTP Hlabu hi ennawna a tul dan a zirin suam that ni rawh se.
5. MTP Office a thawk tur staff 1 lak belh ni rawh se.
6. MTP Hqrs. hian kan lo hrisel zawk theih nan Environment Pollution Campaign turin hmala tan ni rawh se.
7. Kum 2008-2010 chhunga Budget atan,Rs.11,01,000/- chu rungrual taka pawm tlan a ni.
8. MTP Constitution leh chhiat ni that ni inenkawl dan chu, belh, paih leh siam that rentih ani.
9. Kum 2010 MTP General Confe. nghah lehna hmun a tan, Vahai chu pawm tlan a ni.
10. Zawngling MTP Branch in Sub-Hqrs. an dilna chu, kum 2009 Special Assembly hunah ngaihtuah nise' an ti bawk.
Posted on Saturday, March 29, 2008
Nimin tuk,Dt.28.3.08.-a Zawngling-Chapui inkara PMGSY hnathawk tura Zawngling atang Tuisihlui pana kal thlakna, Zawngling atanga 6Kms. a hla ah a chesual a; JCB ah hian mi 4 chuangin,Pu,T.Chala,SA,(PWD) leh JCB Operator,Mongal te chu an hliam a; heta chuang ve tho JCB Operator,Sangtea, Aizawl Chaltlang Lily veng chu JCB hian, kawng thlangah Ft.30 vela hla lumpuiin a delh tlat a, a thi zui nghal a; a ruang hi Zawngling khawtlangin hlawmin nizan khan Tuipang rawn panpui a niin Tuipangah tlaivarpui ani hnuin tukin hian, Tuipang PHC ah posmortem a nih hnuin a ruang hi Aizawl lam panpuia kalpui a ni ang. Heng chetsualna a tel handyman erawh ahim pial thung a ni. Helihlai hian Pu.T.Chala hi Saiha Civil Hospital thlenpuia enkawl zui mek a ni. TNS in thu adawn danin he vanduaina tawka thi ta hi Chapui bula PMGSY contractor,Pu Zothansanga,AizawlChaltlang nia hriat ani.
(Source : Tipa Express)
Posted on Thursday, March 27, 2008
Vawiin chawhnu lam hian, kum hnih chhung atana MTP Gen.Hqrs. hruaitu thlanna chu MTP Gen.Conference hman mekna ah neih ani dawn a; he inthlanna hi MJA Saiha Dist. ten huaihawtin an neih tir dawn ani.
Posted on Thursday, March 27, 2008
Pi.Heithlie W/o S.Ngiado,Tuipang Bus Stand chu hun rei tak kawchhung thal a, khumbeta anat hnu in nimin tuk khan, a chenna inah a boral.Kum-64 a upa Pi.H.Heithlie(Pasianu) ruang hi, nimin chawhmu khan ECM Tuipang Bialtu Pastor,Rev.ST.Zawsi an a vui a Tuipang 'V' Thlanmualah vuiliam ani ta a ni.
Posted on Thursday, March 27, 2008
Tuipang town chhunga Kohhran hranghrang ai-awh kalkhawn te chuan,Mizoram tana sual thupha chawi chawngheia neih chhunzawm ve nan, Ni 7 chhung Mizoram sual thupha chawia tawngtaina neiin, chaw nghei nise.He hun Dt.7-14 april'08. chhunga chawngei tawngtai na neih turah hian Kohhran member tam thei ang bera chhuahkhawm nise, tih an relthlu ani.
Posted on Thursday, March 27, 2008
MTP Gen.Conference neih mekah nimin chawhnu thlenga palai thleng inziak lut chu, mi 416 an ni a. MTP hian Hqrs. 1,Sub-Hqrs.4 leh Branch 60 anei mek a; Branch 26 lai an thleng velo nia hriat ani.
Posted on Monday, March 03, 2008
Tuipang Joint VC te, hnenah Lungchawite (Myanmar) te chuan, an khawtlangin Tam nasa taka an tawrh mek avangin, tanpui turin, Kut an rawn dawh a; Jt.VC ten ngun taka an ngaih tuah hnuin, tuipang a BPL ten Rs.50 leh a chunglam ten Rs.100/-theuha tanpuina buhfai lei nana pek nise tih an rel a; he khawtlang aiawh a Tam tuar te tanpui nana an ruahman na siam hi pawmpui turin mipuite an ngen tih Jt.VC. chuan a swi ani.
Posted on Monday, March 03, 2008
Evangelical Church of Maraland(ECM Assembly vawi 85na chu Laki ECM Biakin ah tluang taka neihin rorelna neih anih hnu in nizan khan a tiak ta a; Assembly member bakah Assembly chhimtu ram chhung leh pawn atangin an thahnem hle a; mi 1300 vel mikhual an thleng khom ani. rorel inkhum neih taka an thu rel pawimawh zual zingah Financial Year hi January atanga December ah hman tawh nise, kum 2008 hi, Kristian chhungkaw kum ah puan nise an ti a.Pastor te awmna hmun siksawi kual zingah Rev.F.Vanlaldika chu,Tripura Field Director thar atan ruat ani a; Rev.A.Laichhua Tiwa Field Director thar atan ruat ani bawk a,Rev.P.Riabi chu, Moderator Elect. ani a; Rev.MC.Zahluna chu Assembly Secretary Junior ah thlan ani ; Budget thlakaw chhung atan siam nghal ani a April-Dec. chhung atan, Rs.nuai323 sing 7 leh zanga pawm ani.
Executive Secretary thar atan Rev.Ch.Chhama,Rev.Thylua Hlychho leh Rev.C.Beima te thlan an ni bawk ani.
Source : Tipa Express
