Tipa Times: February 2008

KNP. ROREL INKHAWMPUI A TIAK TA

Posted on Tuesday, February 12, 2008 No Comments

Evangelical Church of Maraland Krizyhpa No Py(KNP) inkhawmpui vawi 52 na Vahaia neih chu Pathianni zana tiak a,Mijhua(Palai) te chuan nimin tlai lam khan an veng/khua dam takin an thleng theuh a.KNP khawmpuiah hian rorel thei member 422 Branch 64 atangin an thleng khawm a;An rorel pawimawh zual te chu :-
1. ECM Motherless Baby Home hi kumin chhung ngeia sak zawh anih theih nan, hna dang aia ngaihpawimawh nise.
2. ECM Kohhran chhunga Hmeichhia te nemngheh rawngbawlna min phal sak turin Assembly a thlen nise.
3.MBH a hnathawk tute hlawh en that a tih pun remtih a ni a.
4. Chhungkaw rawngbawlna ram puma neih nise,
5.Tawngtai khaidiat neih leh nise.
6. MBH puala KNP member tinin ni 1 tha thawh theuh nise,
7. Kum 2010 KNP khawmpuia Hla rem tur Branch tinin zir nise,
8.Kum 2010 KNP khawmpui neih lehna hmun atan T.Local chu lungrual taka pawm tlan a ni.Kum 2008 Budget tur ruahman Rs.601,000 chu angai ngaia passed a ni bawk ani.
Kum hnih chhung atana CEM,KNP Hqrs. hruatu thlanna pawh he khawmpui ah hian neih a niin,chungte chu :-
1. President : Pi.P.Chaki
2. Vice President : Pi.K.Pari
3. Secretary : Pi.N.Dawhniarili
4. Fin.Secretary : Pi.H.Zoramthanga
5. Treasurer : Pi.A.Ngotlua
6. Asst.Secretary: Pi.K.Zeihne.
te an ni.

KNP Inkhawmpui Vahai a neih takah hian mikhual/Palai mi 1918 an thlengkhawm a; an zingah hian, Pastor 5 leh Pro.Pastor 2 leh Deligate 3(LIKBK) an tel.Inkhawmna a thawhlawm Rs.2,575/- tla chu ECM Hospital tanpuina atana hlan ani a; khawmpui thlengtute tana tanpuina Rs.43,000 chuang a lut ; mikhual thleng te tana chawhmeh atan Ran.61 lai talh ani bawk a ni.

ECM KNP Statistic report tarlan anih dan chuan, KNP Branches 85 ah KNP Member2522 an awm mek bawk ani.

(Source : Tipa Express)

MOTOR THAR LEH SUM

Posted on Friday, February 08, 2008 comments (1)

Pu,V.Lalengmawia,BDO Tuipang Aizawl a kal chu, nizan hmasa khan a lo thleng a; BDO hian a hman tur Bolero invader thar diai alo hawn bakah Saiha Dist.NREGS thawhna tur sum Rs. Nuai 300 sunction fel ani thu a rawn hawn tel bawk a ni.

TUIPANG MLA BIAL IN BEISEI MEK

Posted on Friday, February 08, 2008 No Comments

MADC Co-ordination sorkar kalpuiin EM Post khat a hmuh belh ruak hnawhkhat tura inchuhna kal mek chuan a vawrhtawp a thleng ta a; Official a puanzar la nilo mahse, Tuipang MLA biala MDC Pu,FC.Zase chu chang mai tura ngaih na awm tawh tih thurinawm tak, TNS chuan a dawng. E.M post ruak hi,Co-ordination Comtt. ah Congress MDC chan tura dah alo ni tawh a; EM Post thar hi dah thuai a nih beisei ani bawk.

( Source : Tipa Express )

MNF BLOCK CONFERENCE

Posted on Thursday, February 07, 2008 No Comments

Tuipang MNF Block Conference chu karleh ningani(14.2.08) khian tuipang ah neih ani dawn a, Khuallian atan, Pu.H.Vanlalauva,Hon'ble Minister,RD.Etc. chu hman ani dawn ani.

(Source Tipa Express)

KHAWMPUI THLENKIM

Posted on Thursday, February 07, 2008 No Comments

Vawiin hi thlen kim ni a hmangin ECM,CCI(M),LIKBK,IKK Nupawl te chuan, Pathianni thleng inkhawmpui an nei dawn a.CCI(M) in Phura ah an nei anga ,LIKBK, Sangau ah, IKK New Saiha leh ECM-Vahai ah te an nei dawn ani.ECM,KNP khawmpui vawi 52na tur ah hian Thupui ah 'Thola eng rawh' tih hman ani dawn a; LIKBK leh ECM te hi Palai intir tawnin, LIKBK Palai turin Pite, Mantlemi, LIKBK Hqtr. Lawngtlai leh C.Parhniangi Pre.Unit Kristian Nupawl, Tuipang te an ni dawn bawk ani.

(Source : Tipa Express)