Tipa Times

T.Electric Camping neihna a Campers te chuan nizan hmasa khan T.Electric Kohhran Biakinah thil thalo hluihlawn( an mahni rinna a daltu nia an ngaihte) lakhawmin Speaker Pi Mawiitei hovin an halral a; thil halral zingah hian, Sipai Pension te Zu lakna Card 2 pawh a tel ani.

Tuipang Bialtu MLA,Pu.PP.Thawla chuan nimin khan apianna khua Siatlai lehlangin a tlawh a; Siatlai mipui ten an lo lawm hle. MLA hi Tuipang BDO ,Pu.V.Lalengmawia in a tawiawm ani.MLA leh a chhungte rawn zin hi vawiin hian Saiha riak turin Tuipang an chhuahsan dawn tih ani.

Source : Tipa Express(24.10.2007)

Ebenezer Ministry Speaker (Pi Mawitei) leh a team te chuan Tipa Electric Local Church ah 1.10.2007 atangin Camping nei in18.10.2007 thleng chhawng 5 na thleng an zawm a, He Salvation Camping hi Pathian in mal asawm emem a, mi tamtakin an zuhmun sahmun te kalsanin Isua Krista chu Lal leh Chhandam tu ah an pawm ani.He Camping ah hian Thalai leh naupang thlarau thianghlim hnathawh an chang nasa a,mipa naupang 13 mi lek lek te pohin zan tamtak tlaivarin tawngtaina an nei thin ani.Camping chhawngthumna phei hi chu MTP hruaitute te bultum ani a,camper turte pawh kohhran chhunga mi leh pawna mi thliar miah lovin MTP hruaitute hian azawng zel a,Dairy vengchhunga Zu zuar te leh zu lova awm tawh loh te an hrut khawm vek a, mi thahnem tak,Zu leh Playing Card a lo inchiah tawh te pawhin Pathian hnathawh ropui tak an chang a, an nun hluite chu kalsana, Krista nena nunthar tan tawh turin Pathian hnenah thutiamna ropui tak an nei ani.

He Camping hi Pathianin rem atih chuan chhawng 6na thleng pawh neih beisei mek ani.

Nimin piah khan FRO MADC Tuipang chuan a Office Chamber ah khawtlang hruaitu, YMA,MTP leh VC te chu kawmin, Thingpui inpui ah a sawm a. Kal khawm te chu centenary kum a nih avangin , Luia cheng nungchate leh Ramsa ten zalen taka nun an hman theih nana suat thin te venna kawngah hmalak pui turin a sawm. Hun remchangah zau zawka sawipui a duh thu leh Wild Life Protection ah hian hmalakna tur sum an hmuh loh thu alo hrilh ani.

Source : Tipa Express

Maraland Gospel Centenary lawmna a tana ECM.T.Salem kohhranin Centenary Gate an siam chu, Gate tha leh mawi bera ngaih anin ,T.Electric, in Centenary Lungphun an phun chu a lianber leh sang ber ani a,Serkawr CCIM Local Church in Centenary Khuangpui an siam chu, Khuangpui lian ber nin Ft.5.4 bial a lian a niin, Thingzawm chawploh, thingkung bung khat atanga siam ani.

MADC hnuaia MR a chhawr an hna a tanga ban tak lungawilo ten chawnghei a an nawrhna an neih chu nimin piah tuk zing dar 7 vek khan tiamchin awm loin an titawp ta a.Hetianga chawnghei tihtawp a nih na chhan hi CEM,MADC in an chungchang ngaihtuah sak alo tiam tawh vang niin an sawia. Thudawn danin hemi chungchang ngaih tuah hian, vawiin hian ,Voiin hian MADC Ex-Comittee chu an thukhawm dawn .

Source : Tipa express (Dt.29.9.2007)

Dt.25.Sept’07 zan 7:00 in Tuipang a kohhran hranghrang mipuite chu Tuipang Mual a Centenary Stadium sakah an pungkhawm tan a; MGCCC in ruahmanna a lo siam tawh angin Gospel Centenary Torch(Meichher) chu Kohhran 7 atanga Kohhran hotu thlan ten Maraland a Missionary thlah la dam awm chhun Pi Violeti Serkawra an zu chhitkai tir chu kan lo nghak ta, Centenary Meipuiin Centenary Stadium alo thlen in, Kohhran 7 a Upa 7 te chuan Meipui chu lo chhi kaiin, Flag rawng chi hrang hrang 7 tarna bulah chuan ding in Ft.240 vel a sang a Centenary Tourch a dah chu Halzit hmangin an han hal alh tir a. Hla chham in zuiin, tualchhung silai nei zawng zawng ten an silai zen an kap puak thuai thuai hnuin, rithei chitin khawng riin, Cntenary lam mitin an au chelchul a; chumi hnuin Halmawi cheng sing 1 chuang man mawi emem mai chu hal tan a ni a; Mizoram ah khatiang halmawi mawi leh manto ang chi kha hal ala ni ngailo ani.Pe Prog. chhung hian intihhlimna zai leh lam chi hranghrang entir anih bakah Centenary thuchah Upa,S.Zaluai’an a sawi a; zan dar 11 dawn thleng Centenary lawmna Prog. hi hman ani a; helai hmuna tel tualchhung leh khual atnag rawn chhim tute pawhin nuam an ti hle a ni.
CENTENARY MIKHUAL
Maraland Gospel Centenary lawmna ProgTuipang a rawn hmanpui tute chu, Mizoram sorkar aiawh in Dr.Lalzama,Minister leh a thuihruai te, bialtu MLA Pu.PP.Thawla, Bialtu MDC.Pu.S.Lalremthanga te.Pu, C.Pazawna leh a chhungte Haulawng te bakah Tuipanga tanga hmun danga awm mimal leh chhungkua thahnem tak ten Centenary hi min rawn lawmpui bawk a ni.

Source : Tipa Express

BDO Office Building thar kar leh thawhlehni a Saiha Dist.DC hawn tir tur a inbuatsaihna chu kalpui mek ani a; he Office thar hawn na hunserh hi Rev.ST.Zawsi an a hmang ang a; Maraland Gospel Centenary Solo Competetion neih taka pakhatna HC.Ngoki chu zai tura beisei aniin, ruai kilho nghal a ni ang.

Pi.S.Naikei(Thlalo nu) chu nimin tuk dar 8:00) khan an chenna In ah Ashma natna in a thi.Kum 63 a upa Pi.S.Naikei hi nimin chawhnu khan Tuipang 'V' thlanmual ah CCI(M) Upa KT.Chialo an a vuiliam ani. Khawhar chhungte thinlung takin kan tuarpui e.

Tuipang Telephone chu thla kalta ni 10 atang khan hman hleih theih lohin a chhia a.He Telephone chhia;D-Transmission Machine Saiha to Tuipang siam tur hian, BDO(T) atangin nimin piah khan thunei tute lamah thlen ani leh tawh a; siam that nih thuai beisei ani. He Phone chhiatna chhan hi helai hmuna thawktu ten an hrethiam pha lova, a chhiat na chhan pawh an hre heklo.

(Source- Tipa Express)

Tun tum MADC inthlanna atana vote thun belh te endikna (hearing)chu nimin khan ARO leh BDO Tuipang ni bawk Pu V.Lalengmawia, Political party hrang hrang hruaitu te leh NGO's hruaitu ten Tuipang 'V'& 'D' atan an nei a; vawiinah Ahmypi leh Tuipang 'L' tan neih leh ani ang.

Tuipang RD.Block a BDO Office Tuipang a building thar sak zawh tawh chu kar leh thawhlehni khian Saiha Dist.Bawrhsap Pu.Zahming'an a hawng dawn ta ani.

MADC a Nominated member pakhatin CEM fiahna a Vote nei theilo tura an lo tih tawh lungawi lova, Guwahati HighCourt Division Bench a a khin lehna thu chu, nimin khan ngaihtuah tur a tih anih laiin hemi hma a, Court case pahnih ngaihtuah tur a awm avangin nimin lamah kha chuan ngaihtuah hman ani lova,Vawiin sorkar chawlh ani bawk si a; naktipah ngaihtuah ani dawn tih thu rinawm tak mai dawn ani a.He Court hearing ah hian ULP lam atangin Pu.Hiphei leh Pu.P.P.Thawla te pawh Guwahati ah an awm ve reng bawk a ni.

Source : Tipa Express